Um það bil hálf milljón Rúmena tók í dag þátt í mótmælum gegn stjórnvöldum. Þau hafa staðið síðastliðna sex daga. Tvö til þrjú hundruð þúsund komu saman í höfuðborginni Búkarest, 45 þúsund í Cluj-Napoca, 40 þúsund í Timisoara og þúsundir í fleiri borgum og bæjum Rúmeníu.
(n.r. ? Niður með ríkisstjórn Grindeanu & Dragnea, þjófnaður þjófar !!! ✊ )
http://www.ruv.is/frett/myndskeid-half-milljon-motmaelti-i-rumeniu
Í kringum hálf milljón manna komu saman á götum rúmenskra bæja og borga í gærkvöldi til að mótmæla stjórnvöldum, þrátt fyrir að umdeild tilskipun sem myndi forða fjölda stjórnmálamanna frá ákæru um spillingarbrot hafi verið afturkölluð.
Vinstristjórn landsins afturkallaði tilskipunina á neyðarfundi í gær. Rúmenía er samkvæmt flestum mælikvörðum það aðildarríki Evrópusambandsins þar sem spilling er hvað mest, en framkvæmdastjórn sambandsins hefur fylgst grannt með gangi mála.
BBC segir frá því að rúmenskur almenningur virðist hafa fengið sig fullsaddan og hefur stjórnin nú kynnt breytta tilskipun sem til stendur að leggja fyrir þingið.
Margir hafa krafist þess að forsætisráðherrann Sorin Grindeanu segi af sér. Mótmælin hafa nú staðið síðan á þriðjudag og eru þau mestu í landinu frá falli kommúnistastjórnarinnar árið 1989.
